मामा मराठी कविता कवि - दीपा राऊत. Manatle Sargam Mama Marathi kavita

मामा

मायेची चादर माझ्या मामाच गावं,

संपूर्ण गावात माझ्या मामाच नावं.

मामाच्या घरी जायची मला घाई,

गाडीत बसवून पाठवायची मला आई.

मामाच्या घरी भल मोठ अंगण,

सगळ्यांना बोलवून खेळत बसू रिंगण.

मामा मामीचा प्रेमळ स्वभाव,

कधीच केला नाही त्यांनी दुजेभाव.

मामाच्या घरी खूप केली मस्ती,

पण कधीच कुणी केली नाही जबरदस्ती.

मामा मामीची माया अशीच कायम रहावी,

आपल्या नात्यातली गोडवी अशीच कायम टिकावी.

कवि - दीपा राऊत