जीवन कवि दीपा राऊत मराठी कविता Jeevan Manatle Sargam Marathi Kavita

जीवन

जीवन खूप सुंदर आहे

जगा मन भरून.

जीवनातले चढ उतार

जातात अनुभव देऊन.

जीवनातले सुंदर क्षण

नका जाऊ विसरून.

जीवन जगा हसत खेळत

नका राहू रुसून फुगून.

जीवनात कधीतरी येतो असा क्षण

तेव्हा हसायचं की रडायचं टाकू ठरवून.

जीवनाचा खेळ खंडोबा होऊ देऊ नका

जीवाची दोरी दुसऱ्याच्या हाती देऊन.

जीवनाची फेरी अशीच चालू राहणार

आपलं अनमोल जीवन घेवूयात आपण जगून.

बाकी सर्व मोह माया आहे 

राहू नका त्यात अडकून.

देवाने सुंदर जीवन दिलंय

घेवुयात मस्त जगून.

कवि - दीपा राऊत.